VISION PROVIDER - Prophetic Divine Revelation for Fiji and the World

NA KENAI MATAI NA VERE NEI SETANI
VERETAKI NA YALEWA ENA NONAI LAWAKI
GUILECAVI KINA NA VEIYALAYALATI
KANIA NA YALEWA NA MANA VUNITAKI

KENAI KARUA SAI KENI NONA VERE
SURETI TACINA KINA LOMA NI WERE
NA LOMA KATAKATA LAVE KINA NONA I SELE
VAKADAVEA NA DRA NEI EPELI ENA QELE

RAU NA CIRI NAI KATOLU NI VERE RAU KILA
YAVUSA MATAISAU NODRAU WAQA RAU TARA
JERUPI NI WERE RAU VORATA NONA LEWA
I VAKARO NI MASU RAU BOLEA ME RAU VANA

KIESAI NONA VERE AU VOLA MEI KAVA
BACANI NEAMANI NAI YAU ME TARA
BETE NI KALOU NONA I LAWAKI SA KILA
VUKAVUKA NEI NEAMANI QAI SOLI KI VUA

TEVITA NA TUI NI VAKA IROIRO VOLI
E NONA NAI KALIMA NI VERETAKI ROSI
DODOMO NI LOMANA E VUNI NONA TACORI
VALE NI SORO ME QAI TARA O SOLOMONI

JUTASA NAI KAONO NI VERE SA NONA
VERETAKA NA LUVE NI KALOU KO JIOVA
I YAU NI VURAVURA E VESUKA NONA MONA
NONA GACAGACA NA QELE SA DRODROVA

BAU NONA VERE E VITI SA MATATA
VERETAKA NA VANUA KAUKAUWA ME RAWATA
DAU NONAI TARABU VOLI O IRA NA MARAMA
MERA BACANI KINA NA NODA TURAGA

NA QASE MAI LOVONI E TAWA VAKASUKA
VERE NEI BAU E NANUMA ME BUTUKA
NA MAGITI NA WAINI KO BAU SA VERE DUKA
RA MATENI MAI LOVONI QAI VISA KEDRA BUKA

RATU SUKUNA NA TALAI SA BALE
VERETAKI VITI ENA NONA WASEWASE
MOLIKILAGI (LUSEFA) E SOLIA NA VUKU QASEQASE
ISA NODA QELE SA VEISAU KENA MAVE

BAINIMARAMA NONA VERE NAI KACIWA
VERETAKI VITI ENA GASAU BULA DINA
QASE NI VANUA RA TEKICUVA KINA
VIRITAKA E MATADRA NA KATO NI SILIVA

QAI TAVUKI ME VAKA NA BUKAWAQA SA LIDI
AU RAICA NA VANUA KENA BAI SA VIRI
MAROROI NA QELE SA VESUKI NODA VITI
WARAKI KOYA TU NA TUI NI PARATAISI

NAI OTIOTI NI VERE AU RAICA SA VUKA
VAKATETABA KO COVERENAKOULA
NA VERE NI DINA ME BOKOCA NA DUKA
ENA TARA KECE NA VEIYASAI VURAVURA

NA VERE NEI BAI KEI COVERENAKOULA
NA VERE SAVASAVA NI NODA VURAVURA
RAU NA BOKOCA NA DUKA NEI SUKUNA
ME QAI VAKADABERI NA TUI NI GAUNA

VAKAYADRATI MADA NA TUWAWA TAGANE
NA BUINIGA BALAVU KA SOLI MAI CAKE
VUNI E LIGANA NA VERE QASEQASE
NA NODA OVISA LEVU MAI NA TUI CAKE

NA I TUKUTUKU VAKAYALO KA VEIVAKADRETI KINA NA YALOTABU NI KALOU,
KA VOLA NA TURAGA KA VAKATOKAI KO RATU UTO KALOKO NA VERE NI KOULA.